ਪੰਜਾਬ ਚ ਇਥੇ ਸ਼ਗਨ ਵਾਲੇ ਟੋਕਰੇ ਕਾਰਨ ਕੁੜੀ ਵਾਲਿਆਂ ਨੇ ਕੀਤਾ ਵਿਆਹ ਤੋਂ ਇਨਕਾਰ, ਮੁੰਡੇ ਵਾਲੇ ਕਰ ਰਹੇ ਹੁਣ ਇਹ ਮੰਗ

ਆਈ ਤਾਜ਼ਾ ਵੱਡੀ ਖਬਰ 

ਅਜੋਕੇ ਸਮੇਂ ‘ਚ ਦੇਸ਼ ਭਰ ਵਿੱਚ ਵਿਆਹ ਹੁਣ ਇੱਕ ਸ਼ੋਸ਼ੇਬਾਜ਼ੀ ਬਣਕੇ ਰਹਿ ਚੁੱਕਿਆ ਹੈ । ਅੱਜ ਕੱਲ੍ਹ ਲੋਕ ਵਿਆਹਾਂ ਨੂੰ ਵੱਖਰੇ ਢੰਗ ਦੇ ਨਾਲ ਕਰਵਾਉਂਦੇ ਹਨ । ਜਿਸ ਦੇ ਚਲਦੇ ਵਿਆਹਾਂ ਵਿੱਚ ਲੱਖਾਂ ਕਰੋੜਾਂ ਰੁਪਏ ਬਰਬਾਦ ਕੀਤੇ ਜਾਂਦੇ ਹਨ । ਕਈ ਲੋਕ ਤਾਂ ਅਜਿਹੇ ਹੁੰਦੇ ਹਨ ਜੋ ਕਰਜ਼ਾ ਚੁੱਕ ਕੇ ਧੂਮਧਾਮ ਨਾਲ ਵਿਆਹ ਕਰਦੇ ਹਨ । ਪਰ ਪੰਜਾਬ ਦੇ ਜ਼ਿਲਾ ਅੰਮ੍ਰਿਤਸਰ ਵਿੱਚ ਸ਼ਗਨ ਵਾਲੇ ਟੋਕਰੇ ਕਾਰਨ ਅਜਿਹਾ ਬਵਾਲ ਮੱਚਿਆ ਕਿ ਕੁੜੀ ਨੇ ਵਿਆਹ ਕਰਨ ਤੋਂ ਹੀ ਇਨਕਾਰ ਕਰ ਦਿੱਤਾ । ਜ਼ਿਕਰਯੋਗ ਹੈ ਕਿ ਅੰਮ੍ਰਿਤਸਰ ਦੇ ਪਿੰਡ ਕਾਲੇ ਵਿੱਚ ਵਿਆਹ ਦੇ ਸ਼ਗਨ ਵਿੱਚ ਟੋਕਰੇ ਕਾਰਨ ਕੁੜੀ ਵਾਲਿਆਂ ਨੇ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ , ਜਿਸ ਤੋਂ ਬਾਅਦ ਲੜਕੇ ਦਾ ਪਰਿਵਾਰ ਪੁਲੀਸ ਸਟੇਸ਼ਨ ਪਹੁੰਚ ਗਿਆ ।

ਜਿਸ ਦੇ ਚਲਦੇ ਹੁਣ ਲਾੜੀ ਦੇ ਪਰਿਵਾਰ ਦਾ ਇਹ ਦੋਸ਼ ਹੈ ਕਿ ਮੁੰਡੇ ਵਾਲਿਆਂ ਨੇ ਉਨ੍ਹਾਂ ਦੇ ਸ਼ਗਨ ਵਾਲਾ ਫਲਾਂ ਦਾ ਟੋਕਰਾ ਉਨ੍ਹਾਂ ਨੂੰ ਵਾਪਸ ਕਰ ਦਿੱਤਾ । ਮੁੰਡੇ ਵਾਲਿਆਂ ਨੇ ਇਸ ਤੋਂ ਇਨਕਾਰ ਕੀਤਾ ਅਤੇ ਹੁਣ ਖਰਚਾ ਦੇਣ ਦੀ ਗੱਲ ਕਹੀ ਹੈ । ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਹੋਇਆਂ ਲਾੜੇ ਨੇ ਦੱਸਿਆ ਕਿ ਕੱਲ੍ਹ ਕੁੜੀ ਦੇ ਰਿਸ਼ਤੇਦਾਰ ਸ਼ਗਨ ਦੇਣ ਲਈ ਪਹੁੰਚੇ ਸਨ । ਜਿਸ ਤੋਂ ਬਾਅਦ ਰਵਾਇਤਾਂ ਅਨੁਸਾਰ ਉਸ ਦੇ ਪਰਿਵਾਰਕ ਮੈਂਬਰ ਵੀ ਸ਼ਾਮ ਨੂੰ ਸ਼ਗਨਾਂ ਦਾ ਟੋਕਰਾ ਲੈ ਕੇ ਲੜਕੀ ਘਰ ਪਹੁੰਚੇ ।

ਇਸ ਦੌਰਾਨ ਕੁੜੀ ਵਾਲਿਆਂ ਨੇ ਉਨ੍ਹਾਂ ਤੇ ਦੋਸ਼ ਲਗਾਉਣੇ ਸ਼ੁਰੂ ਕਰ ਦਿੱਤੇ ਕਿ ਜੋ ਟੋਕਰਾ ਉਨ੍ਹਾਂ ਨੇ ਲਾੜੇ ਨੂੰ ਦਿੱਤਾ ਸੀ ਉਹੀ ਟੋਕਰਾ ਉਨ੍ਹਾਂ ਨੂੰ ਵਾਪਸ ਕੀਤਾ ਜਾ ਰਿਹਾ ਹੈ । ਉਨ੍ਹਾਂ ਨੂੰ ਸਮਝਾਇਆ ਗਿਆ ਕਿ ਇਹ ਨਵੇਂ ਫਲਾਂ ਦਾ ਟੋਕਰਾ ਹੈ ਅਤੇ ਉਨ੍ਹਾਂ ਨੇ ਖੁਦ ਇਸ ਨੂੰ ਬਣਵਾਇਆ ਹੈ ਪਰ ਕੁੜੀ ਵਾਲੇ ਨਹੀਂ ਮੰਨੇ । ਜਿਸ ਤੋਂ ਬਾਅਦ ਇਹ ਵੀ ਬਵਾਲ ਇੰਨਾ ਜ਼ਿਆਦਾ ਵਧ ਗਿਆ ਕਿ ਕੁੜੀ ਦੇ ਪਰਿਵਾਰਕ ਮੈਂਬਰਾਂ ਨੇ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ ।

ਲਾੜੇ ਨੇ ਦੱਸਿਆ ਕਿ ਸਵੇਰੇ ਉਸ ਨੂੰ ਕੁੜੀ ਦੇ ਪਰਿਵਾਰਕ ਮੈਂਬਰਾਂ ਦਾ ਫੋਨ ਆਇਆ ਤਾਂ ਉਨ੍ਹਾਂ ਨੇ ਸਾਫ਼ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ । ਉਨ੍ਹਾਂ ਦੱਸਿਆ ਕਿ ਲਾੜੀ ਦਾ ਪਰਿਵਾਰ ਇਹ ਮੰਨਣ ਨੂੰ ਤਿਆਰ ਨਹੀਂ ਹਨ ਕਿ ਉਨ੍ਹਾਂ ਨੇ ਇਹ ਟੋਕਰਾ ਨਵਾਂ ਬਣਵਾ ਕੇ ਕੀਤਾ ਗਿਆ ਹੈ । ਜਿਸ ਦੇ ਚਲਦੇ ਹੁਣ ਲਾੜੇ ਪਰਿਵਾਰ ਵੱਲੋਂ ਥਾਣੇ ਪਹੁੰਚ ਕੇ ਇਨਸਾਫ ਦੀ ਗੁਹਾਰ ਲਗਾਈ ਜਾ ਰਹੀ ਹੈ ।