ਤਾਜੀਆਂ ਤੇ ਸੱਚੀਆਂ ਖਬਰਾਂ ਸਭ ਤੋਂ ਪਹਿਲਾਂ ਦੇਖਣ ਲਈ ਹੁਣੇ ਹੀ ਪੇਜ ਨੂੰ ਲਾਈਕ ਕਰੋ ਅਸੀਂ ਹਮੇਸ਼ਾ ਸਹੀ ਤੇ ਨਿਰਪੱਖ ਜਾਣਕਾਰੀ ਦੇਣ ਦੀ ਤੁਹਾਨੂੰ ਕੋਸ਼ਿਸ਼ ਕਰਦੇ ਹਾਂ , ਸਾਡੇ ਨਾਲ ਜੁੜਨ ਲਈ ਤੁਹਾਡਾ ਧੰਨਵਾਦ
ਮਾਨਸੂਨ_2019_ਪੂਰਵ_ਅਨੁਮਾਨ_2ਦੇਰ ਪਰ ਦਰੁਸਤ ਆਵੇਗੀ ਮਾਨਸੂਨ :
ਜਿੱਥੇ ਮੁਲਕ ਚ ਮਾਨਸੂਨ ਦੇ ਕਮਜੋਰ ਰਹਿਣ ਤੇ ਘੱਟ ਬਰਸਾਤਾਂ ਦੀ ਉਮੀਦ ਹੈ ਉੱਥੇ ਪੰਜਾਬ ਲਈ ਕੋਈ ਵੱਡੀ ਚਿੰਤਾ ਵਾਲੀ ਗੱਲ ਨਹੀਂ ਹੈ। ਸਤੰਬਰ ਤੱਕ ਚੱਲਣ ਵਾਲੇ ਮਾਨਸੂਨ ਸੀਜ਼ਨ ਚ ਪੰਜਾਬ ਚ ਲਗਾਤਾਰ ਦੂਜੇ ਵਰ੍ਹੇ ਸਧਾਰਨ ਬਰਸਾਤਾਂ ਦੀ ਉਮੀਦ ਹੈ। ਸਮੁੱਚੇ ਸੂਬੇ ਚ 1951 ਤੋਂ 2000 ਚ ਪਏ ਮੀਂਹਾਂ ਦੀ ਸਲਾਨਾ ਔਸਤ 490ਮਿਮੀ ਹੈ। ਜਦਕਿ ਇਸ ਮਾਨਸੂਨ ਸੀਜ਼ਨ ਚ 470ਮਿਮੀ(+/-40ਮਿਮੀ) ਬਰਸਾਤਾਂ ਦੀ ਉਮੀਦ ਹੈ।
ਹਾਲਾਂਕਿ ਜੁਲਾਈ ਚ ਬਰਸਾਤਾਂ ਚ ਥੋੜ੍ਹੀ ਕਮੀ ਜਰੂਰ ਰਹਿ ਸਕਦੀ ਹੈ ਪਰ ਸੀਜ਼ਨ ਦਾ ਦੂਜਾ ਅੱਧ ਪਹਿਲੇ ਨਾਲੋਂ ਬੇਹਤਰ ਰਹੇਗਾ। ਇਸੇ ਦੌਰਾਨ ਵੈਸਟਰਨ ਡਿਸਟ੍ਬੇਂਸ ਵੀ ਹਾਜ਼ਰੀ ਲਗਵਾ ਕੇ ਬਰਸਾਤਾਂ ਚ ਆਪਣਾ ਯੋਗਦਾਨ ਦਿੰਦੇ ਰਹਿਣਗੇ। ਹਾਲਾਂਕਿ ਵੱਖੋ-ਵੱਖ ਜਿਲਿਆਂ ਚ ਵਰਖਾ-ਵੰਡ ਬਹੁਤੀ ਚੰਗੀ ਨਹੀਂ ਰਹੇਗੀ। ਜਿਸ ‘ਤੇ ਹੋਰ ਚਾਨਣਾਂ ਪਾਉਣ ਲਈ ਪਹਿਲੀ ਵਾਰ ਜਿਲ੍ਹੇਵਾਰ ਮਾਨਸੂਨ ਦਾ ਅਨੁਮਾਨ ਜਾਰੀ ਕੀਤਾ ਗਿਆ ਹੈ।
ਜਿਲ੍ਹੇਵਾਰ ਪੂਰਵ ਅਨੁਮਾਨ………
ਔਸਤ ਬਰਸਾਤ- ਮੋਹਾਲੀ, ਰੂਪਨਗਰ, ਨਵਾਂਸ਼ਹਿਰ, ਜਲੰਧਰ, ਸੰਗਰੂਰ, ਕਪੂਰਥਲਾ, ਬਠਿੰਡਾ, ਮਾਨਸਾ, ਗੁਰਦਾਸਪੁਰ, ਪਠਾਨਕੋਟ
ਔਸਤ ਨਾਲੋਂ ਘੱਟ- ਫਾਜਿਲਕਾ, ਮੁਕਤਸਰ, ਫਰੀਦਕੋਟ, ਫਿਰੋਜ਼ਪੁਰ, ਬਰਨਾਲਾ, ਹੁਸ਼ਿਆਰਪੁਰ, ਅੰਮ੍ਰਿਤਸਰ, ਤਰਨਤਾਰਨ
ਔਸਤ ਨਾਲੋਂ ਵਧੇਰੇ- ਲੁਧਿਆਣਾ(ਲਗਾਤਾਰ ਦੂਜੇ ਸਾਲ ਔਸਤ ਨਾਲੋਂ ਵਧੇਰੇ ਬਰਸਾਤਾਂ ਦੀ ਉਮੀਦ ਹੈ), ਮੋਗਾ, ਪਟਿਆਲਾ, ਫਤਿਹਗੜ੍ਹ ਸਾਹਿਬ
ਜੁਲਾਈ ਸਮੁੱਚੇ ਸੂਬੇ ਚ ਔਸਤ ਦੇ ਕਰੀਬ ਮੀਂਹ ਪੈਣਗੇ। ਜਿਸ ਚ ਜਿਆਦਾ ਯੋਗਦਾਨ ਪਟਿਆਲਾ, ਸੰਗਰੂਰ, ਲੁਧਿਆਣਾ, ਬਰਨਾਲਾ, ਮੋਗਾ ਜਿਲਿਆਂ ਦਾ ਹੋਵੇਗਾ।
ਅਗਸਤ_ਸਤੰਬਰ MJO ਵੇਵ ਤੇ +IOD ਕਾਰਨ ਬਰਸਾਤੀ ਕਾਰਵਾਈਆਂ ਚ ਵਾਧਾ ਹੋਵੇਗਾ। ਹਾਲਾਂਕਿ ਅਗਸਤ ਚ ਛੋਟੇ ਖੁਸ਼ਕ ਦੌਰ ਦੀ ਉਮੀਦ ਵੀ ਬਣੀ ਰਹੇਗੀ। ਪਰ ਮਾਨਸੂਨ ਦੇ ਦੂਜੇ ਅੱਧ ਚ ਔਸਤ ਜਾਂ ਉਸ ਤੋਂ ਰਤਾ ਕੁ ਵੱਧ ਮੀਂਹ ਦੀ ਉਮੀਦ ਹੈ। ਕੁੱਲ ਮਿਲਾਕੇ ਇਲ ਸੀਜ਼ਨ ਸੂਬੇ ਚ ਔਸਤ ਮੀਂਹ ਪੈਣਗੇ।
-ਜਾਰੀ ਕੀਤਾ: 8:57pm, 30 ਜੂਨ, 2019
ਨੋਟ:ਪੰਜਾਬ_ਦਾ_ਮੌਸਮ ਫੇਸਬੁੱਕ ਪੇਜ
