ਆਈ ਤਾਜਾ ਵੱਡੀ ਖਬਰ
ਵਿਦੇਸ਼ਾ ਯਾਤਰਾ ਕਰਨ ਲਈ ਸਭ ਤੋਂ ਅਹਿਮ ਦਸਤਾਵੇਜ਼ ਪਾਸਪੋਰਟ ਹੁੰਦਾ ਹੈ , ਪਰ ਛੇਤੀ ਹੀ ਤੁਹਾਡਾ ਪੁਰਾਨਾ ਪਾਸਪੋਰਟ ਬੇਕਾਰ ਹੋ ਸਕਦਾ ਹੈ . ਦਰਅਸਲ ਕੇਂਦਰ ਦੀ ਮੋਦੀ ਸਰਕਾਰ ਹੁਣ ਚਿਪ ਆਧਾਰਿਤ ਪਾਸਪੋਰਟ ਜਾਰੀ ਕਰਨ ਦੀ ਤਿਆਰੀ ਕਰ ਰਹੀ ਹੈ . ਨਵੇਂ ਪਾਸਪੋਰਟ ਨੂੰ ਲੈ ਕੇ ਕੰਮ ਪੂਰਾ ਹੋ ਚੁੱਕਿਆ ਹੈ . ਵਿਦੇਸ਼ ਮੰਤਰਾਲਾ ਨੇ ਚਿਪ ਸਮਰੱਥ ਈ – ਪਾਸਪੋਰਟ ਪ੍ਰਾਜੈਕਟ ਲਈ ‘ਇੰਡੀਅਨ ਸਕਿਓਰਿਟੀ ਪ੍ਰੈੱਸ’ ਨਾਲ ਚਰਚਾ ਸ਼ੁਰੂ ਕਰ ਦਿੱਤੀ ਹੈ , ਤਾਂ ਕਿ ਇਨ੍ਹਾਂ ਨੂੰ ਜਾਰੀ ਕਰਨ ਦਾ ਕੰਮ ਹੁਣ ਸ਼ੁਰੂ ਹੋ ਸਕੇ । ਵਿਦੇਸ਼ ਮੰਤਰੀ ਐੱਸ . ਜੈ ਸ਼ੰਕਰ ਨੇ ਕਿਹਾ ਕਿ ਉਨ੍ਹਾਂ ਦੇ ਮੰਤਰਾਲੇ ਨੇ ਈ – ਪਾਸਪੋਰਟਾਂ ਨੂੰ ਪਹਿਲ ਦੇ ਆਧਾਰ ‘ਤੇ ਬਣਾਉਣ ਦਾ ਪ੍ਰਸਤਾਵ ਕੀਤਾ ਹੈ ।
ਉਨ੍ਹਾਂ ਕਿਹਾ ਕਿ ਸਰਕਾਰ ਦੀ ਪਿਛਲੀ ਯੋਜਨਾ ਮੁਤਾਬਕ , ਹਰ ਲੋਕ ਸਭਾ ਇਲਾਕੇ ‘ਚ ਡਾਕਘਰ ਪਾਸਪੋਰਟ ਸੇਵਾ ਕੇਂਦਰ ਖੋਲ੍ਹਣ ਦਾ ਕੰਮ ਜਾਰੀ ਰਹੇਗਾ । ਹਾਲਾਂਕਿ , ਮੰਤਰੀ ਨੇ ਚਿਪ ਪਾਸਪੋਰਟ ਜਾਰੀ ਕਰਨ ਲਈ ਕੋਈ ਸਹੀ ਟਾਈਮ ਲਾਈਨ ਨਹੀਂ ਦਿੱਤੀ ਪਰ ਉਨ੍ਹਾਂ ਕਿਹਾ ਕਿ ਸਰਕਾਰ ਇਸ ਨੂੰ ਜਲਦ ਸ਼ੁਰੂ ਕਰੇਗੀ । ਕਿਸ ਤਰ੍ਹਾਂ ਦਾ ਹੋਵੇਗਾ ਈ – ਪਾਸਪੋਰਟ ? ਈ – ਪਾਸਪੋਰਟ ਮੌਜੂਦਾ ਪਾਸਪੋਰਟਾਂ ਦੀ ਤਰ੍ਹਾਂ ਹੀ ਹੋਣਗੇ । ਇਸ ‘ਚ ਇਕ ਚਿਪ ਲੱਗੀ ਹੋਵੇਗੀ , ਜਿਸ ‘ਚ ਪਾਸਪੋਰਟ ਅਧਿਕਾਰੀ ਦੇ ਡਿਜੀਟਲ ਦਸਤਖਤ ਦੇ ਇਲਾਵਾ ਪਾਸਪੋਰਟ ਧਾਰਕ ਦਾ ਨਾਮ , ਲਿੰਗ , ਜਨਮ ਤਰੀਕ ਅਤੇ ਇਕ ਡਿਜੀਟਲ ਫੋਟੋ ਹੋਵੇਗੀ ।
ਪਾਸਪੋਰਟ ‘ਚ ਮੌਜੂਦ ਚਿਪ ‘ਚ ਪਾਸਪੋਰਟ ਧਾਰਕ ਦੀ ਉਂਗਲੀਆਂ ਦੇ ਨਿਸ਼ਾਨ ਵੀ ਸ਼ਾਮਲ ਹੋਣਗੇ । ਇਹ ਪਾਸਪੋਰਟ ਕਾਫੀ ਸਕਿਓਰ ਹੋਣਗੇ । ਹਾਈ ਸਕਿਓਰਿਟੀ ਚਿਪ ਲੱਗੀ ਹੋਣ ਕਾਰਨ ਇਸ ‘ਚ ਕਿਸੇ ਵੀ ਤਰ੍ਹਾਂ ਨਾਲ ਛੇੜਛਾੜ ਕਰਨਾ ਸੰਭਵ ਨਹੀਂ ਹੋਵੇਗਾ , ਨਾਲ ਹੀ ਇਸ ਦੀ ਹਵਾਈ ਅੱਡੇ ‘ਤੇ ਜਾਂਚ ਵੀ ਅਸਾਨ ਹੋਵੇਗੀ । ਚਿਪ ਵਾਲੇ ਪਾਸਪੋਰਟ ਬਣਾਉਣ ਦੀ ਪਰਿਕ੍ਰੀਆ ਵੀ ਤੇਜ ਹੋਵੇਗੀ . ਅਪਲਾਈ ਕਰਣ ਦੇ ਬਾਅਦ ਸਿਰਫ 7 ਦਿਨ ਵਿੱਚ ਪਾਸਪੋਰਟ ਬਣਕੇ ਤਿਆਰ ਹੋਵੇਗਾ .
