ਹਾਲ ਹੀ ਵਿੱਚ ਮਹਾਰਾਸ਼ਟਰ ਦੇ ਇੱਕ ਪਿੰਡ ਤੋਂ ਬੇਹੱਦ ਹੀ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ ਜਿਸ ਵਿੱਚ ਔਰਤਾਂ ਤੋਂ ਜ਼ਿਆਦਾ ਮਜਦੂਰੀ ਕਰਵਾਉਣ ਲਈ ਉਨ੍ਹਾਂ ਦੇ ਸਰੀਰ ਦਾ ਇੱਕ ਬੇਹੱਦ ਅਹਿਮ ਅੰਗ ਕੱਢ ਦਿੱਤਾ ਜਾਂਦਾ ਹੈ। ਇਸ ਮਾਮਲੇ ਬਾਰੇ ਜਾਣਕੇ ਤੁਹਾਡੇ ਵੀ ਹੋਸ਼ ਉੱਡ ਜਾਣਗੇ।
ਤੁਹਾਨੂੰ ਦੱਸ ਦੇਈਏ ਕਿ ਕੁੱਝ ਖ਼ਬਰਾਂ ਦੇ ਮੁਤਾਬਕ ਇਸ ਪਿੰਡ ਵਿੱਚ ਸ਼ਾਦੀਸ਼ੁਦਾ ਔਰਤਾਂ ਤੋਂ ਜ਼ਿਆਦਾ ਕੰਮ ਕਰਵਾਉਣ ਲਈ ਉਨ੍ਹਾਂ ਦੀ ਬੱਚੇਦਾਨੀ (womb) ਕਢਵਾਈ ਜਾ ਰਹੀ ਹੈ। ਦਰਅਸਲ ਅਜਿਹਾ ਇਸ ਲਈ ਕੀਤਾ ਜਾਂਦਾ ਹੈ ਜਿਸਦੇ ਨਾਲ ਔਰਤਾਂ ਦੇ ਪੀਰਿਅਡਸ ਬੰਦ ਹੋ ਜਾਣ ਅਤੇ ਉਨ੍ਹਾਂ ਤੋਂ ਬਿਨਾਂ ਛੁੱਟੀ ਦੇ ਕੰਮ ਕਰਵਾਇਆ ਜਾ ਸਕੇ।
ਇਹ ਮਾਮਲਾ ਸੁਣਨ ਵਿੱਚ ਬੇਹੱਦ ਅਜੀਬ ਲੱਗਦਾ ਹੈ ਪਰ ਇਸ ਮਾਮਲੇ ਦਾ ਇੱਕ ਦੂਸਰਾ ਪਹਿਲੂ ਵੀ ਹੈ। ਦਰਅਸਲ, ਮਹਾਰਾਸ਼ਟਰ ਦੇ ਬੀਡ ਜਿਲ੍ਹੇ ਵਿੱਚ ਸੋਕੇ ਦੀ ਵਜ੍ਹਾ ਨਾਲ ਗਰੀਬੀ ਬਹੁਤ ਹੈ। ਜਿਸ ਕਾਰਨ ਇੱਥੋਂ ਦੀਆਂ ਔਰਤਾਂ ਨੂੰ ਗੰਨੇ ਦੀ ਕਟਾਈ ਲਈ ਦੂਸਰਿਆਂ ਦੇ ਖੇਤਾਂ ਵਿੱਚ ਕੰਮ ਕਰਣਾ ਪੈਂਦਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਗਰੀਬੀ ਨਾਲ ਲੜਨ ਲਈ ਇਹ ਔਰਤਾਂ ਬਿਨਾਂ ਛੁੱਟੀ ਲਏ ਕੰਮ ਕਰਣਾ ਚਾਹੁੰਦੀਆਂ ਹਨ ਅਤੇ ਇਸ ਲਈ ਉਹ ਆਪਣੇ ਆਪ ਹੀ ਆਪਣੀ ਬੱਚੇਦਾਨੀ ਕਢਵਾ ਦਿੰਦੀਆਂ ਹਨ। ਇੱਕ ਠੇਕੇਦਾਰ ਦੇ ਮੁਤਾਬਕ ਕਿਸੇ ਵੀ ਔਰਤ ਨੂੰ ਉਸ ਦੀ ਬੱਚੇਦਾਨੀ ਕਢਵਾਉਣ ਲਈ ਜ਼ੋਰ ਜਬਰਦਸਤੀ ਨਹੀਂ ਕੀਤੀ ਜਾਂਦੀ, ਇਹ ਸਭ ਉਹ ਆਪਣੀ ਮਰਜੀ ਨਾਲ ਹੀ ਕਰ ਰਹੀਆਂ ਹਨ।
