ਤਾਜੀਆਂ ਤੇ ਸੱਚੀਆਂ ਖਬਰਾਂ ਸਭ ਤੋਂ ਪਹਿਲਾਂ ਦੇਖਣ ਲਈ ਹੁਣੇ ਹੀ ਪੇਜ ਨੂੰ ਲਾਈਕ ਕਰੋ ਅਸੀਂ ਹਮੇਸ਼ਾ ਸਹੀ ਤੇ ਨਿਰਪੱਖ ਜਾਣਕਾਰੀ ਦੇਣ ਦੀ ਤੁਹਾਨੂੰ ਕੋਸ਼ਿਸ਼ ਕਰਦੇ ਹਾਂ , ਸਾਡੇ ਨਾਲ ਜੁੜਨ ਲਈ ਤੁਹਾਡਾ ਧੰਨਵਾਦ
ਅੱਜ ਦੇ ਸਮੇਂ ਵਿੱਚ ਸੜਕ ਹਾਦਸੇ ਬਹੁਤ ਜ਼ਿਆਦਾ ਵੱਧ ਗਏ ਹਨ । ਅਜਿਹਾ ਹੀ ਇੱਕ ਮਾਮਲਾ ਔਰੰਗਾਬਾਦ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਦੋ ਵਾਹਨਾਂ ਦੀ ਆਪਸ ਵਿੱਚ ਟੱਕਰ ਹੋ ਗਈ । ਦਰਅਸਲ, ਰਾਤ ਹੋਏ ਵਿਆਹ ਤੋਂ ਬਾਅਦ ਖੁਸ਼ੀ-ਖੁਸ਼ੀ ਲਾੜਾ ਆਪਣੀ ਵਹੁਟੀ ਨੂੰ ਉਸ ਦੇ ਪੇਕੇ ਤੋਂ ਵਿਦਾ ਕਰਵਾ ਕੇ ਆਪਣੇ ਨਾਲ ਲੈ ਕੇ ਜਾ ਰਿਹਾ ਸੀ । ਰਸਤੇ ਵਿੱਚ ਹੀ ਦੋਵਾਂ ਨੇ ਆਪਣੀ ਨਵੀਂ ਦੁਨੀਆ ਵਸਾਉਣ ਦੇ ਸੁਪਨੇ ਦੇਖ ਲਏ ਸਨ । ਪਰ ਕੀ ਪਤਾ ਸੀ ਕਿ
ਨੀਅਤ ਨੂੰ ਸ਼ਾਇਦ ਉਨ੍ਹਾਂ ਦੋਵਾਂ ਦਾ ਸਾਥ ਪਸੰਦ ਨਹੀਂ ਆਇਆ ਸੀ । ਰੱਬ ਨੇ ਰਾਤ ਵੇਲੇ ਦੋਵਾਂ ਦਾ ਰਿਸ਼ਤਾ ਬੰਨ੍ਹਿਆ ਸੀ, ਪਰ ਸਵੇਰ ਦੇ ਸਮੇਂ ਇਕ ਜਨਮ ਵਿੱਚ ਹੀ ਦੋਨਾਂ ਦਾ ਸਾਥ ਇਸ ਤਰ੍ਹਾਂ ਛੁੱਟ ਜਾਵੇਗਾ, ਇਹ ਦੇਖ ਕੇ ਸਾਰਿਆਂ ਦੀਆਂ ਅੱਖਾਂ ਭਰ ਗਈਆਂ ।
ਦਰਅਸਲ, ਔਰੰਗਾਬਾਦ- ਅੰਬਾ ਪੱਥ ਦੇ ਦੋਸਤਾਨਾ ਹੋਟਲ ਨੇੜੇ ਮੰਗਲਵਾਰ ਸਵੇਰੇ ਦੋ ਵਾਹਨਾਂ ਦੀ ਟੱਕਰ ਹੋ ਗਈ । ਜਿਸ ਵਿੱਚ ਵਿਆਹ ਤੋਂ ਬਾਅਦ ਲਾੜਾ-ਲਾੜੀ ਨੂੰ ਲੈ ਕੇ ਆਈ ਕਾਰ ਦੇ ਪਰਖੱਚੇ ਉਡ ਗਏ ਤੇ ਲਾੜੀ ਨੇਹਾ ਕੁਮਾਰੀ ਦੀ ਲਾੜੇ ਸਾਹਮਣੇ ਮੌਤ ਹੋ ਗਈ । ਉਥੇ ਹੀ ਲਾੜਾ ਉੱਜਵਲ ਕੁਮਾਰ ਵੀ ਗੰਭੀਰ ਜ਼ਖਮੀ ਹੋ ਗਿਆ । ਜਿਸਦਾ ਇਲਾਜ ਔਰੰਗਾਬਾਦ ਹਸਪਤਾਲ ਵਿੱਚ ਚੱਲ ਰਿਹਾ ਹੈ ।
ਦੱਸਿਆ ਜਾ ਰਿਹਾ ਹੈ ਕਿ ਨਵੀਨਗਰ ਥਾਣਾ ਦੇ ਲਖਨਊ ਪਿੰਡ ਨਿਵਾਸੀ ਨੇਹਾ ਕੁਮਾਰੀ ਦੇ ਨਾਲ ਓਬਰਾ ਦੇ ਚੋਚਾਢੀ ਪਿੰਡ ਨਿਵਾਸੀ ਉੱਜਵਲ ਕੁਮਾਰ ਉਰਫ ਬਬਲੂ ਦਾ ਵਿਆਹ ਸੋਮਵਾਰ ਰਾਤ ਹੋਇਆ ਸੀ । ਵਿਆਹ ਤੋਂ ਬਾਅਦ ਲਾੜਾ ਆਪਣੀ ਲਾੜੀ ਦੀ ਵਿਦਾਈ ਕਰਵਾ ਕੇ ਜਦੋਂ ਆਪਣੇ ਘਰ ਵਾਪਿਸ ਆ ਰਿਹਾ ਸੀ ਤਾਂ ਰਸਤੇ ਵਿੱਚ ਇਹ ਘਟਨਾ ਵਾਪਰ ਗਈ ।
ਜਿਸ ਵਿੱਚ ਲਾੜਾ-ਲਾੜੀ ਦੀ ਕਾਰ ਕਿਸੇ ਦੂਸਰੇ ਵਾਹਨ ਨਾਲ ਟਕਰਾ ਗਈ । ਜਿਸ ਤੋਂ ਬਾਅਦ ਦੋਵਾਂ ਨੂੰ ਇਲਾਜ ਲਈ ਔਰੰਗਾਬਾਦ ਦੇ ਸਦਰ ਹਸਪਤਾਲ ਦਾਖਿਲ ਕਰਵਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਲਾੜੀ ਨੂੰ ਮ੍ਰਿਤਕ ਐਲਾਨ ਦਿੱਤਾ । ਫਿਲਹਾਲ ਲਾੜੇ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ । ਇਸ ਘਟਨਾ ਕਾਰਨ ਦੋਵਾਂ ਘਰਾਂ ਵਿੱਚ ਖੁਸ਼ੀ ਦਾ ਮਾਹੌਲ ਗਮੀ ਵਿੱਚ ਤਬਦੀਲ ਹੋ ਗਿਆ ।
